Më shumë mbrojtje për pakicat e rrezikuara: Këshilli Federal rrit mbështetjen
Këshilli Federal vendosi në mbledhjen e tij të 14 majit 2025 ta rrisë ndjeshëm mbështetjen financiare për pakicat me nevoja të veçanta mbrojtjeje. Për vitet 2026 dhe 2027 ai vë në dispozicion nga 6 milionë franga (CHF) në vit. Me këtë, Këshilli Federal jep një sinjal të qartë dhe vazhdon të japë një kontribut të rëndësishëm për mbrojtjen e pakicave të rrezikuara në Zvicër.
Edhe për bashkësinë myslimane ky vendim është një hap i rëndësishëm. Rritja e planifikuar e buxhetit dhe njohja e shprehur e organizatave myslimane si veçanërisht të nevojshme për mbrojtje janë një sinjal shpresëdhënës: mbrojtja e bashkësive të rrezikuara mbetet prioritet – edhe në një situatë shoqërore të tensionuar.
Federata e Organizatave Islame Ombrellë të Zvicrës (FIDS) e mirëpret shprehimisht vendimin e Këshillit Federal dhe sheh në të një veprim shtetëror të përgjegjshëm në shërbim të sigurisë dhe të kohezionit shoqëror. LMS i bashkohet këtij falënderimi.
Informacione të mëtejshme: njoftimi për media i Këshillit Federal i datës 14 maj 2025 në admin.ch.